ಬೆಂಗಳೂರು ವಿಶ್ವವಿದ್ಯಾಲಯ (ರಾಜ್ಯ ಶಿಕ್ಷಣ ನೀತಿ / SEP ಪಠ್ಯಕ್ರಮ
ಮಾದರಿ ಪ್ರಶ್ನೆ ಪತ್ರಿಕೆ – ೧
ಬಿ.ಬಿ.ಎ. ಪ್ರಥಮ ಸೆಮಿಸ್ಟರ್ ಸಮಯ: ೩ ಗಂಟೆಗಳು ಗರಿಷ್ಠ ಅಂಕಗಳು: ೮೦
===========================================================
I.ಕೆಳಗಿನ ಯಾವುದಾದರೂ ಆರು ಪ್ರಶ್ನೆಗಳಿಗೆ ೪೦ ಪದಗಳಿಗೆ ಮೀರದಂತೆ. ಉತ್ತರಿಸಿ. ೬ x ೨ = ೧೨
1. ಕರುಣಾಕರ ಯಾರು? ಆತನ ಸ್ಮಾರಕ ಎಲ್ಲಿದೆ?
2. ಅಕ್ಕ ತಮ್ಮನಿಗಾಗಿ ಯಾವ ಯಾವ ಕೆಲಸಗಳನ್ನು ಮಾಡುತ್ತಿದ್ದಳು?
3. ಸಂಸ್ಕೃತದಲ್ಲಿ ಬರುವ ಸುಭಾಷಿತದಲ್ಲಿ ಮಳೆ ಹನಿಯ ಮೂರು ಸ್ಥಿತಿಗಳನ್ನು ಹೇಗೆ ವಿವರಿಸಲಾಗಿದೆ?
4. ಲೇಖಕಿ ದೀಪಾ ಫಡ್ಕೆ ತಿಂಗಳಿಗೊಮ್ಮೆ ಊರಿಗೆ ಪ್ರಯಾಣ ಮಾಡುತ್ತಿದ್ದುದು ಏಕೆ?
5. ಚಳ್ಳಾಸಾಬಿ ಏನು ಮಾರಲು ಊರಿಗೆ ಬರುತ್ತಿದ್ದನು?
6. ಪಾದ್ರಿಯ ಹೆಸರೇನು? ಆತನ ವೇಷಭೂಷಣ ಹೇಗಿತ್ತು?
7. ಕಾಶಂಬಿ ಯಾವ ಧರ್ಮದ ಅನುಯಾಯಿ?
II.ಕೆಳಗಿನ ಯಾವುದಾದರೂ ನಾಲ್ಕು ಪ್ರಶ್ನೆಗಳಿಗೆ ೮೦ ಪದಗಳಿಗೆ ಮೀರದಂತೆ ಉತ್ತರಿಸಿ. ೪ x ೫ = ೨೦
1. 'ನಮ್ಮ ರಾಜ್ಯ' ಎಂಬ ಪದ ಕೇಳಿದ ತಕ್ಷಣ ಹುಡುಗನಲ್ಲಿ ಉಂಟಾದ ಬದಲಾವಣೆಗಳೇನು?
2. ಭಗವದ್ಗೀತೆ ತಿಳಿಸುವ ಮೂರು ಮೆಟ್ಟಿಲುಗಳು ಯಾವುವು? ವಿವರಿಸಿ.
3. ಲೇಖಕರು ಐಸ್ ಕ್ಯಾಂಡಿಯನ್ನು ಗಳಿಸಲು ಪಡುತ್ತಿದ್ದ ಕಸರತ್ತುಗಳನ್ನು ವಿವರಿಸಿ.
4. 'ಸಂಪರ್ಕ' ಪದ್ಯದ ಆಶಯವನ್ನು ಸಂಕ್ಷಿಪ್ತವಾಗಿ ಬರೆಯಿರಿ.
5. 'ನಾವು ಹುಡುಗಿಯರೇ ಹೀಗೆ' ಕವಿತೆಯಲ್ಲಿ ವ್ಯಕ್ತವಾಗುವ ಹುಡುಗಿಯರ ತಳಮಳಗಳನ್ನು ವಿವರಿಸಿ.
6. ಕಾಶಂಬಿಯ ಬದುಕಿನ ಹೋರಾಟ ಮತ್ತು ಆಕೆಯ ಆತ್ಮವಿಶ್ವಾಸವನ್ನು ವಿವರಿಸಿ.
III.ಕೆಳಗಿನ ಯಾವುದಾದರೂ ಮೂರು ಪ್ರಶ್ನೆಗಳಿಗೆ ೧೬೦ ಪದಗಳಿಗೆ ಮೀರದಂತೆ ಉತ್ತರಿಸಿ ೩x೧೦ =೩೦
1. 'ಒಂದು ಹುಡುಗನಿಗೆ ಬಿದ್ದ ಕನಸು' ಕಥೆಯಲ್ಲಿ ವ್ಯಕ್ತವಾಗುವ ಬಾಲ್ಯದ ಮುಗ್ಧತೆ ಮತ್ತು ಸ್ವಾತಂತ್ರ್ಯದ ಪರಿಕಲ್ಪನೆಯನ್ನು ವಿಶ್ಲೇಷಿಸಿ.
2. 'ದೊಂಬನು ಬೇರಾಗಿ ಕವಲೊಡೆದು ಭೂಮಿಯೊಳಗೆ ಹುದುಗಿರುವ ಬಗೆಯನ್ನು' 'ಭೂಮಿ' ಕಥೆಯ ಆಧಾರದಲ್ಲಿ ವಿವರಿಸಿ.
3. 'ಸುಲಭ ದರದಲ್ಲಿ ಖುಷಿಯ ಮಾರುತ್ತಿದ್ದ ಮಾಯಾಗಾರ' ಪ್ರಬಂಧದಲ್ಲಿ ಲೇಖಕರು ತಮ್ಮ ಬಾಲ್ಯದ ನೆನಪುಗಳನ್ನು ಹೇಗೆ ನಿರೂಪಿಸಿದ್ದಾರೆ?
4. ಕುವೆಂಪು ಅವರ 'ದೇವರು ಸೈಕಲ್ ಕಲಿತದ್ದು' ಪ್ರಸಂಗದಲ್ಲಿ ಬರುವ ಮತಾಂತರ ಮತ್ತು ಹೊಸ ತಂತ್ರಜ್ಞಾನದ ಪ್ರಭಾವವನ್ನು ಚರ್ಚಿಸಿ.
5. 'ಸಖೀಗೀತ' ಲೇಖನದ ಆಧಾರದಲ್ಲಿ ಕರಾವಳಿ ಬದುಕಿನ ದಾಂಪತ್ಯ ಮತ್ತು ಸಾಂಸ್ಕೃತಿಕ ವೈಶಿಷ್ಟ್ಯವನ್ನು ವಿವರಿಸಿ.
IV . ನಿಮ್ಮ ಕಾಲೇಜಿನಲ್ಲಿ ಶೈಕ್ಷಣಿಕ ಪ್ರವಾಸ ಕೈಗೊಳ್ಳಲು ಅನುಮತಿ ಮತ್ತು ಧನಸಹಾಯ ಕೋರಿ ಪ್ರಾಂಶುಪಾಲರಿಗೆ ಮನವಿ ಪತ್ರ ಬರೆಯಿರಿ. ೧ x ೫ = ೫
V . ನಿಮ್ಮ ಕಾಲೇಜಿನಲ್ಲಿ ಆಚರಿಸಲಾದ 'ಕನ್ನಡ ರಾಜ್ಯೋತ್ಸವ' ಸಮಾರಂಭದ ಕುರಿತು ಪತ್ರಿಕಾ ವರದಿಯೊಂದನ್ನು ಸಿದ್ಧಪಡಿಸಿ ೧ x ೫ = ೫ .
VI.ಕೆಳಗಿನ ಗದ್ಯ ಭಾಗವನ್ನು ಓದಿ, ಮೂರನೇ ಒಂದು ಭಾಗಕ್ಕೆ ಸಂಕ್ಷೇಪಿಸಿ, ಸೂಕ್ತ ಶೀರ್ಷಿಕೆ ನೀಡಿ. ೧ x ೪ = ೪
ಮಾನವನ ಜೀವನದಲ್ಲಿ ಬಾಲ್ಯ ಎಂಬುದು ಅತ್ಯಂತ ಸುಂದರ ಹಾಗೂ ನಿಷ್ಕಲ್ಮಶವಾದ ಹಂತವಾಗಿದೆ. ಬಾಲ್ಯದ ದಿನಗಳಲ್ಲಿ ಮಗುವು ಅನುಭವಿಸುವ ಸ್ವಾತಂತ್ರ್ಯ, ಮುಗ್ಧತೆ ಹಾಗೂ ಸೃಜನಶೀಲತೆಗಳು ಆತನ ಭವಿಷ್ಯದ ವ್ಯಕ್ತಿತ್ವದ ಭದ್ರ ಬುನಾದಿಯಾಗುತ್ತವೆ. ಆದರೆ ಇಂದಿನ ಜಾಗತೀಕರಣ ಮತ್ತು ನಗರೀಕರಣದ ತೀವ್ರ ಓಟದಲ್ಲಿ ಮಕ್ಕಳ ನೈಸರ್ಗಿಕ ಬಾಲ್ಯವು ಕ್ರಮೇಣ ಕ್ಷೀಣಿಸುತ್ತಿರುವುದು ಕಳವಳಕಾರಿ ಸಂಗತಿಯಾಗಿದೆ. ಹಿಂದಿನ ಕಾಲದಲ್ಲಿ ಮಕ್ಕಳು ಬಯಲು ಆಟಗಳನ್ನು ಆಡುತ್ತಾ, ಗಿಡ-ಮರಗಳನ್ನು ಹತ್ತುತ್ತಾ, ಪ್ರಕೃತಿಯ ಮಡಿಲಿನಲ್ಲಿ ಬೆಳೆಯುತ್ತಿದ್ದರು. ಮಣ್ಣಿನೊಂದಿಗೆ ಬೆರೆಯುವ, ಗೆಳೆಯರೊಂದಿಗೆ ಹಂಚಿಕೊಂಡು ತಿನ್ನುವ ಮತ್ತು ಸಣ್ಣಪುಟ್ಟ ಜಗಳಗಳನ್ನು ಮರೆತು ಒಂದಾಗುವ ಗುಣಗಳು ಅವರಲ್ಲಿ ಸಹಜವಾಗಿಯೇ ಮೈಗೂಡುತ್ತಿದ್ದವು.
ಆದರೆ ಆಧುನಿಕ ಡಿಜಿಟಲ್ ಯುಗದಲ್ಲಿ ಮೊಬೈಲ್, ಕಂಪ್ಯೂಟರ್ ಹಾಗೂ ವಿಡಿಯೋ ಗೇಮ್ಗಳ ಅತಿಯಾದ ಬಳಕೆ ಮಕ್ಕಳನ್ನು ನಾಲ್ಕು ಗೋಡೆಗಳ ಮಧ್ಯೆ ಬಂದಿಯಾಗಿಸಿದೆ. ಪ್ರಕೃತಿಯ ಒಡನಾಟದಿಂದ ದೂರವಾಗುತ್ತಿರುವ ಮಕ್ಕಳು ದೈಹಿಕ ಶ್ರಮವಿಲ್ಲದೆ ಮಾನಸಿಕ ಒತ್ತಡ ಹಾಗೂ ಏಕಾಂಗಿತನಕ್ಕೆ ಒಳಗಾಗುತ್ತಿದ್ದಾರೆ. ಪೋಷಕರು ಕೂಡ ತಮ್ಮ ಉದ್ಯೋಗದ ಒತ್ತಡ ಹಾಗೂ ಸ್ಪರ್ಧಾತ್ಮಕ ಮನೋಭಾವದಿಂದಾಗಿ ಮಕ್ಕಳ ಮೇಲೆ ಅತಿಯಾದ ಶೈಕ್ಷಣಿಕ ನಿರೀಕ್ಷೆಗಳನ್ನು ಹೇರುತ್ತಿದ್ದಾರೆ. ಅಂಕಗಳ ಗಳಿಕೆಯೇ ಜೀವನದ ಅಂತಿಮ ಗುರಿ ಎನ್ನುವಂತಹ ವಾತಾವರಣ ಸೃಷ್ಟಿಯಾಗಿರುವುದು ಮಕ್ಕಳ ಸೃಜನಶೀಲ ಆಲೋಚನೆಗೆ ತಡೆಯೊಡ್ಡಿದೆ.
ಬಾಲ್ಯದ ಮುಗ್ಧತೆಯನ್ನು ಕಾಯ್ದುಕೊಳ್ಳುವುದು ಕೇವಲ ವ್ಯಕ್ತಿಯ ಹಿತದೃಷ್ಟಿಯಿಂದಷ್ಟೇ ಅಲ್ಲದೆ, ಒಂದು ಆರೋಗ್ಯವಂತ ಸಮಾಜದ ನಿರ್ಮಾಣಕ್ಕೂ ಅತ್ಯಗತ್ಯವಾಗಿದೆ. ಮಕ್ಕಳಿಗೆ ಕೇವಲ ತಾಂತ್ರಿಕ ಶಿಕ್ಷಣವನ್ನು ನೀಡುವುದಷ್ಟೇ ಅಲ್ಲದೆ, ಅವರಿಗೆ ನೈತಿಕ ಮೌಲ್ಯಗಳು, ಸಾಮಾಜಿಕ ಜವಾಬ್ದಾರಿ ಹಾಗೂ ಪ್ರಕೃತಿಯ ಮೇಲಿನ ಪ್ರೀತಿಯನ್ನು ಕಲಿಸಿಕೊಡಬೇಕಾಗಿದೆ. ಶಾಲೆಗಳು ಮತ್ತು ಮನೆಗಳಲ್ಲಿ ಮಕ್ಕಳಿಗೆ ಮುಕ್ತವಾಗಿ ಆಲೋಚಿಸುವ, ಆಟವಾಡುವ ಹಾಗೂ ತಮ್ಮ ಭಾವನೆಗಳನ್ನು ಹಂಚಿಕೊಳ್ಳುವ ವಾತಾವರಣವನ್ನು ನಿರ್ಮಿಸಿಕೊಡಬೇಕಾಗಿದೆ. ಬಾಲ್ಯದ ಸಿಹಿ ನೆನಪುಗಳು ಮತ್ತು ಅನುಭವಗಳು ಮನುಷ್ಯನಿಗೆ ಮುಂಬರುವ ಜೀವನದ ಸಂಕಷ್ಟಗಳನ್ನು ಧೈರ್ಯವಾಗಿ ಎದುರಿಸುವ ಮಾನಸಿಕ ಶಕ್ತಿಯನ್ನು ನೀಡುತ್ತವೆ ಎಂಬುದನ್ನು ಪ್ರತಿಯೊಬ್ಬರೂ ಅರಿಯಬೇಕಿದೆ.
VII. ನಿಮಗೆ ಗೊತ್ತರುವ ಯಾವುದಾದರು ನಾಲ್ಕು ಗಾದೆಗಳನ್ನು ಬರೆಯಿರಿ. ೧ x ೪ = ೪
ಮಾದರಿ ಪ್ರಶ್ನೆ ಪತ್ರಿಕೆ – ೨
I.ಕೆಳಗಿನ ಯಾವುದಾದರೂ ಆರು ಪ್ರಶ್ನೆಗಳಿಗೆ ೪೦ ಪದಗಳಿಗೆ ಮೀರದಂತೆ. ಉತ್ತರಿಸಿ. ೬ x ೨ = ೧೨
1. ಹುಡುಗನಿಗೆ ಬಿದ್ದ ಕನಸಿನಲ್ಲಿ ಯಾರ್ಯಾರು ಬಂದರು?
2. ತಾಯಿಯ ಪ್ರೀತಿಯನ್ನು ಕವಿ ಹೇಗೆ ವರ್ಣಿಸಿದ್ದಾರೆ?
3. ಮಣ್ಣಿನ ಗುಣವನ್ನು 'ಭೂಮಿ' ಕವನದಲ್ಲಿ ಹೇಗೆ ಬಣ್ಣಿಸಲಾಗಿದೆ?
4. ತಾಯಿ ಸಾಕಿಬಾಯಿ ಅವರ ತ್ಯಾಗಮಯಿ ಬದುಕಿನ ಪ್ರಮುಖ ಅಂಶವೇನು?
5. ಲೇಖಕರು ಸೈಕಲ್ ಕಲಿಯಲು ಪಟ್ಟ ಶ್ರಮವೆಂತಹದ್ದು?
6. ರಂಜಾನ್ ಹಬ್ಬದ ಆಚರಣೆಯ ವಿಶೇಷತೆಯನ್ನು ಕಾಶಂಬಿ ಹೇಗೆ ತಿಳಿಸುತ್ತಾಳೆ?
7. ಬಕಾಸುರನ ವಧೆಯ ಪ್ರಸಂಗವು ಯಾವ ಮಹಾಕಾವ್ಯಕ್ಕೆ ಸೇರಿದ್ದು?
II.ಕೆಳಗಿನ ಯಾವುದಾದರೂ ನಾಲ್ಕು ಪ್ರಶ್ನೆಗಳಿಗೆ ೮೦ ಪದಗಳಿಗೆ ಮೀರದಂತೆ ಉತ್ತರಿಸಿ. ೪ x ೫ = ೨೦
1. 'ತಮ್ಮನಿಗೆ' ಪದ್ಯದಲ್ಲಿ ಅಕ್ಕ ತೋರುವ ವಾತ್ಸಲ್ಯ ಮತ್ತು ಹಾರೈಕೆಗಳನ್ನು ವಿವರಿಸಿ.
2. ರೈತ ಮತ್ತು ಮಣ್ಣಿನ ನಡುವಿನ ಜೀವಂತ ಸಂಬಂಧವನ್ನು 'ಜೀವ ದುಂದುಭಿ' ಆಧಾರದಲ್ಲಿ ಬರೆಯಿರಿ.
3. ಚಳ್ಳಾಸಾಬಿಯ ವ್ಯಕ್ತಿತ್ವ ಮತ್ತು ಅವನ ವ್ಯಾಪಾರದ ಶೈಲಿಯನ್ನು ಬರೆಯಿರಿ.
4. ಸೈಕಲ್ ಕಲಿಯುವಾಗ ಲೇಖಕರಿಗೆ ಎದುರಾದ ಹಾಸ್ಯಸ್ಪದ ಘಟನೆಗಳನ್ನು ವಿವರಿಸಿ.
5. ಕಾಶಂಬಿ ಮತ್ತು ಆಕೆಯ ಕುಟುಂಬದ ಧಾರ್ಮಿಕ ಸಹಿಷ್ಣುತೆಯನ್ನು ವಿವರಿಸಿ.
III.ಕೆಳಗಿನ ಯಾವುದಾದರೂ ಮೂರು ಪ್ರಶ್ನೆಗಳಿಗೆ ೧೬೦ ಪದಗಳಿಗೆ ಮೀರದಂತೆ ಉತ್ತರಿಸಿ ೩x೧೦ =೩೦
1. 'ಒಂದು ಧೈರ್ಯವಾಕ್ಯ' ಲೇಖನದಲ್ಲಿ ಬಾಲ್ಯದ ಭಯ ಮತ್ತು ಅದನ್ನು ಎದುರಿಸುವ ಕ್ರಮವನ್ನು ಹೇಗೆ ವಿವರಿಸಲಾಗಿದೆ?
2. ಪರಿಸರ ನಾಶ ಮತ್ತು ಮಾನವನ ದುರಾಶೆಯನ್ನು 'ಸಂಪರ್ಕ' ಹಾಗೂ 'ಭೂಮಿ' ಪಾಠಗಳ ಆಧಾರದಲ್ಲಿ ವಿಮರ್ಶಿಸಿ.
3. ಕುವೆಂಪು ಅವರ 'ದೇವರು ಸೈಕಲ್ ಕಲಿತದ್ದು' ಕಥೆಯಲ್ಲಿ ಬರುವ ವೈಚಾರಿಕ ಧೋರಣೆಯನ್ನು ಚರ್ಚಿಸಿ.
4. 'ರಂಜಾನ್ ಮತ್ತು ಕಾಶಂಬಿ' ಲೇಖನದಲ್ಲಿ ವ್ಯಕ್ತವಾಗುವ ಸಾಮಾಜಿಕ ಸಾಮರಸ್ಯ ಮತ್ತು ಮಾನವೀಯ ಮೌಲ್ಯಗಳನ್ನು ಸವಿಸ್ತಾರವಾಗಿ ಬರೆಯಿರಿ.
5. 'ಬಕಾಸುರನನ್ನು ಕೊಂದ ಪರ್ವ' ನಾಟಕ ಭಾಗದ ಆಧಾರದಲ್ಲಿ ಧರ್ಮ ಮತ್ತು ಅಧರ್ಮದ ನಡುವಿನ ಸಂಘರ್ಷವನ್ನು ವಿವರಿಸಿ.
IV. ನಿಮ್ಮ ಬಡಾವಣೆಯಲ್ಲಿ ಕುಡಿಯುವ ನೀರಿನ ಸಮಸ್ಯೆ ನಿವಾರಿಸುವಂತೆ ಕೋರಿ ನಗರಸಭೆಯ ಆಯುಕ್ತರಿಗೆ ಮನವಿ ಪತ್ರ ಬರೆಯಿರಿ. ೧ x ೫ = ೫
V.ನಿಮ್ಮ ಕಾಲೇಜಿನಲ್ಲಿ ಆಯೋಜಿಸಲಾಗಿದ್ದ 'ಉದ್ಯೋಗ ಮೇಳ' (Job Fair) ಕಾರ್ಯಕ್ರಮದ ಕುರಿತು ವರದಿ ಬರೆಯಿರಿ.
೧ x ೫ = ೫
VI ಕೆಳಗಿನ ಗದ್ಯ ಭಾಗವನ್ನು ಓದಿ, ಮೂರನೇ ಒಂದು ಭಾಗಕ್ಕೆ ಸಂಕ್ಷೇಪಿಸಿ, ಸೂಕ್ತ ಶೀರ್ಷಿಕೆ ನೀಡಿ .೧ x ೪ = ೪
ಭೂಮಿಯು ಸಮಸ್ತ ಜೀವಕೋಟಿಗೆ ಆಶ್ರಯ ನೀಡಿದ ಪವಿತ್ರ ತಾಯಿಯಾಗಿದೆ. ಮಣ್ಣು, ನೀರು, ಗಾಳಿ ಹಾಗೂ ಕಾಡುಗಳು ಪ್ರಕೃತಿಯು ಮಾನವಕುಲಕ್ಕೆ ನೀಡಿದ ಅಮೂಲ್ಯವಾದ ಕೊಡುಗೆಗಳಾಗಿವೆ. ಮನುಷ್ಯನ ಪ್ರತಿಯೊಂದು ಅಗತ್ಯವನ್ನು ಪೂರೈಸುವ ಸಾಮರ್ಥ್ಯ ಭೂಮಿಗಿದೆ. ಪ್ರಕೃತಿಯೊಂದಿಗೆ ಸಾಮರಸ್ಯದಿಂದ ಜೀವಿಸುವುದು ಭಾರತೀಯ ಸಂಸ್ಕೃತಿಯ ಮೂಲ ತತ್ವವಾಗಿದೆ. ಕೃಷಿಕನು ಮಣ್ಣನ್ನು ಕೇವಲ ಲಾಭದಾಯಕ ವಸ್ತುವಾಗಿ ನೋಡದೆ, ಅದನ್ನು ದೈವಿಕ ಭಾವನೆಯಿಂದ ಪೂಜಿಸಿ ಕಾಯಕದಲ್ಲಿ ತೊಡಗಿಸಿಕೊಳ್ಳುತ್ತಾನೆ. ಕೃಷಿ ಸಂಸ್ಕೃತಿಯು ಮನುಷ್ಯನಿಗೆ ತ್ಯಾಗ, ತಾಳ್ಮೆ ಮತ್ತು ಶ್ರಮದ ಮಹತ್ವವನ್ನು ಕಲಿಸಿಕೊಡುತ್ತದೆ.
ಆದರೆ ಕೈಗಾರಿಕೀಕರಣ ಮತ್ತು ಸ್ವಾರ್ಥಪರ ಪ್ರಗತಿಯ ಹೆಸರಿನಲ್ಲಿ ಇಂದಿನ ಮಾನವನು ಪ್ರಕೃತಿಯ ಮೇಲೆ ತೀವ್ರ ದೌರ್ಜನ್ಯ ಎಸಗುತ್ತಿದ್ದಾನೆ. ಅರಣ್ಯ ನಾಶ, ಜಲಮೂಲಗಳ ಕಲುಷಿತಗೊಳಿಸುವಿಕೆ, ಪ್ಲಾಸ್ಟಿಕ್ ಬಳಕೆ ಹಾಗೂ ರಸಾಯನಿಕ ಗೊಬ್ಬರಗಳ ಅತಿಯಾದ ಬಳಕೆಯಿಂದಾಗಿ ಭೂಮಿಯ ಫಲವತ್ತತೆ ಕ್ಷೀಣಿಸುತ್ತಿದೆ. ಜಾಗತಿಕ ತಾಪಮಾನ ಏರಿಕೆ ಹಾಗೂ ಹವಾಮಾನ ವೈಪರೀತ್ಯಗಳು ಇಂದು ಮಾನವಕುಲದ ಅಸ್ತಿತ್ವಕ್ಕೇ ಸವಾಲಾಗಿ ಪರಿಣಮಿಸಿವೆ. ಬದುಕು ಎಂದರೆ ಕೇವಲ ಲಾಭ-ನಷ್ಟದ ವ್ಯಾಪಾರವಲ್ಲ; ಬದಲಿಗೆ ಭೂಮಿ ಹಾಗೂ ಪ್ರಕೃತಿಯೊಂದಿಗೆ ಸಂಯಮದಿಂದ ಜೀವಿಸುವುದು ಎಂಬುದನ್ನು ಮಾನವನು ಮರೆಯುತ್ತಿದ್ದಾನೆ.
ನಾವು ಮುಂದಿನ ಪೀಳಿಗೆಗೆ ಬಿಟ್ಟುಹೋಗಬೇಕಾದದ್ದು ಕೇವಲ ಆಸ್ತಿ-ಪಾಸ್ತಿಗಳನ್ನಲ್ಲ, ಬದಲಿಗೆ ಕಲುಷಿತಗೊಳ್ಳದ ಗಾಳಿ, ಶುದ್ಧ ನೀರು ಹಾಗೂ ಹಸಿರಾದ ವಾತಾವರಣವನ್ನು. ಮರ-ಗಿಡಗಳನ್ನು ಬೆಳೆಸುವುದು, ಜಲಸಂರಕ್ಷಣೆ ಮಾಡುವುದು ಮತ್ತು ನೈಸರ್ಗಿಕ ಸಂಪನ್ಮೂಲಗಳನ್ನು ಮಿತವಾಗಿ ಬಳಸುವುದು ಪ್ರತಿಯೊಬ್ಬ ನಾಗರಿಕನ ಕರ್ತವ್ಯವಾಗಿದೆ. ಭೂಮಿಯನ್ನು ರಕ್ಷಿಸಿದರೆ ಮಾತ್ರ ಭೂಮಿಯು ನಮ್ಮನ್ನು ರಕ್ಷಿಸುತ್ತದೆ. ಪ್ರಕೃತಿಯ ಮೇಲಿನ ಪ್ರೀತಿ ಮತ್ತು ಕೃತಜ್ಞತಾ ಭಾವನೆಯು ನಮ್ಮ ದೈನಂದಿನ ಬದುಕಿನ ಭಾಗವಾಗಬೇಕಿದೆ. ಮಣ್ಣಿನ ಗುಣವನ್ನು ಕಾಪಾಡಿಕೊಳ್ಳುವುದು ಎಂದರೆ ನಮ್ಮ ಸಾಂಸ್ಕೃತಿಕ ಮತ್ತು ಜೀವಮೂಲವನ್ನು ಕಾಪಾಡಿಕೊಂಡಂತೆ ಎಂಬ ಅರಿವು ಮೂಡಬೇಕಾಗಿದೆ.
VII. ನಿಮಗೆ ಗೊತ್ತರುವ ಯಾವುದಾದರು ನಾಲ್ಕು ಗಾದೆಗಳನ್ನು ಬರೆಯಿರಿ. ೧ x ೪ = ೪
ಮಾದರಿ ಪ್ರಶ್ನೆ ಪತ್ರಿಕೆ – ೩
I.ಕೆಳಗಿನ ಯಾವುದಾದರೂ ಆರು ಪ್ರಶ್ನೆಗಳಿಗೆ ೪೦ ಪದಗಳಿಗೆ ಮೀರದಂತೆ. ಉತ್ತರಿಸಿ. ೬ x ೨ = ೧೨
1. 'ಮಕ್ಕಳಿರುವುದು ಮೂರು' ಕವಿತೆಯ ಮುಖ್ಯ ಆಶಯವೇನು?
2. ಕರುಣಾಕರನ ಬದುಕಿನ ಧೈರ್ಯವಾಕ್ಯ ಯಾವುದಾಗಿತ್ತು?
3. ರೈತನ ಜೀವ ದುಂದುಭಿ ಎಂದು ಯಾವುದನ್ನು ಕರೆಯಲಾಗಿದೆ?
4. ಸಾಕಿಬಾಯಿ ತಮ್ಮ ಗ್ರಾಮದ ಜನರ ಅಭಿವೃದ್ಧಿಗೆ ಕೈಗೊಂಡ ಕೆಲಸಗಳಾವುವು?
5. ಹುಡುಗಿಯರ ತಳಮಳಕ್ಕೆ ಲೇಖಕಿ ನೀಡುವ ಕಾರಣಗಳೇನು?
6. ಮಾಯಾಗಾರ ಖುಷಿಯನ್ನು ಹೇಗೆ ಮಾರುತ್ತಿದ್ದನು?
7. ಪಾದ್ರಿಯ ಪ್ರಾರ್ಥನೆಯ ವಿಶೇಷತೆಯೇನಾಗಿತ್ತು?
8. ಕವಿ ದೇವರನ್ನು ಎಲ್ಲಿ ಹುಡುಕಬಾರದು ಎಂದು ಹೇಳುತ್ತಾರೆ?
II.ಕೆಳಗಿನ ಯಾವುದಾದರೂ ನಾಲ್ಕು ಪ್ರಶ್ನೆಗಳಿಗೆ ೮೦ ಪದಗಳಿಗೆ ಮೀರದಂತೆ ಉತ್ತರಿಸಿ. ೪ x ೫ = ೨೦
1. 'ಒಂದು ಧೈರ್ಯವಾಕ್ಯ' ಕಥೆಯಲ್ಲಿ ಬರುವ ಗುರುವಿನ ಪಾತ್ರವನ್ನು ವಿವರಿಸಿ.
2. ಮಣ್ಣಿನ ಮಹತ್ವವನ್ನು ಸಾಕಿಬಾಯಿಯ ಜೀವನ ಚರಿತ್ರೆಯ ಆಧಾರದಲ್ಲಿ ಬರೆಯಿರಿ.
3. 'ನಾವು ಹುಡುಗಿಯರೇ ಹೀಗೆ' ಕವಿತೆಯಲ್ಲಿ ಸಮಕಾಲೀನ ಮಹಿಳೆಯರ ಧ್ವನಿ ಹೇಗಿದೆ?
4. ದೇವರು ಸೈಕಲ್ ಕಲಿಯುವ ಪ್ರಸಂಗದಲ್ಲಿ ಬರುವ ಮಜಾದ ಸನ್ನಿವೇಶಗಳನ್ನು ವಿವರಿಸಿ.
5. ಸಖೀಗೀತ ಕಾವ್ಯ ಭಾಗದಲ್ಲಿ ಕರಾವಳಿಯ ನಿಸರ್ಗ ಸೌಂದರ್ಯವನ್ನು ಹೇಗೆ ಬಣ್ಣಿಸಲಾಗಿದೆ?
III.ಕೆಳಗಿನ ಯಾವುದಾದರೂ ಮೂರು ಪ್ರಶ್ನೆಗಳಿಗೆ ೧೬೦ ಪದಗಳಿಗೆ ಮೀರದಂತೆ ಉತ್ತರಿಸಿ ೩ x ೧೦ = ೩೦
1. ಆಧುನಿಕ ಶಿಕ್ಷಣ ವ್ಯವಸ್ಥೆಯಲ್ಲಿ ಬಾಲ್ಯದ ಕಲ್ಪನೆಗಳು ಮತ್ತು ಮುಗ್ಧತೆ ನಾಶವಾಗುತ್ತಿರುವ ಬಗೆಯನ್ನು 'ಒಂದು ಹುಡುಗನಿಗೆ ಬಿದ್ದ ಕನಸು' ಆಧರಿಸಿ ವಿಮರ್ಶಿಸಿ.
2. 'ಜೀವ ದುಂದುಭಿ' ಮತ್ತು 'ತಾಯಿ ಸಾಕಿಬಾಯಿ' ಪಾಠಗಳ ಮೂಲಕ ಮಣ್ಣು ಹಾಗೂ ಸಮಾಜ ಸೇವೆಯ ನಿಕಟ ಸಂಪರ್ಕವನ್ನು ಚರ್ಚಿಸಿ.
೩. ಚಳ್ಳಾಸಾಬಿಯ ಪಾತ್ರದ ಮೂಲಕ ಸಣ್ಣ ವ್ಯಾಪಾರಿಗಳ ಜೀವನ ಮತ್ತು ಅವರ ನಿಷ್ಕಲ್ಮಷ ಪ್ರೀತಿಯನ್ನು ನಿರೂಪಿಸಿ.
೪. ಶಾಂತಿ ಮತ್ತು ಸಹಬಾಳ್ವೆಯ ಸಂದೇಶವನ್ನು ನೀಡುವ 'ರಂಜಾನ್ ಮತ್ತು ಕಾಶಂಬಿ' ಲೇಖನದ ಆಶಯವನ್ನು ವಿಸ್ತೃತವಾಗಿ ಬರೆಯಿರಿ.
೫. 'ಬಕಾಸುರನನ್ನು ಕೊಂದ ಪರ್ವ' ಪ್ರಸಂಗದಲ್ಲಿ ಭೀಮನ ಸಾಹಸ ಮತ್ತು ಸಮಾಜ ರಕ್ಷಣೆಯ ಹೊಣೆಗಾರಿಕೆಯನ್ನು ವಿವರಿಸಿ.
IV ನಿಮ್ಮ ವ್ಯಾಸಂಗ ಪ್ರಮಾಣಪತ್ರ (Study Certificate) ನೀಡುವಂತೆ ಕೋರಿ ಕಾಲೇಜಿನ ಪ್ರಾಂಶುಪಾಲರಿಗೆ ಅರ್ಜಿ ಬರೆಯಿರಿ. ೧ x ೫ = ೫
V.ನಿಮ್ಮ ಕಾಲೇಜಿನಲ್ಲಿ ನಡೆದ 'ರಾಷ್ಟ್ರೀಯ ಕ್ರೀಡಾ ದಿನಾಚರಣೆ'ಯ ಕುರಿತು ಸಂಕ್ಷಿಪ್ತ ವರದಿ ಬರೆಯಿರಿ. ೧ x ೫ = ೫
VI.ಕೆಳಗಿನ ಗದ್ಯ ಭಾಗವನ್ನು ಓದಿ, ಮೂರನೇ ಒಂದು ಭಾಗಕ್ಕೆ ಸಂಕ್ಷೇಪಿಸಿ, ಸೂಕ್ತ ಶೀರ್ಷಿಕೆ ನೀಡಿ.೧ x ೪ = ೪ ಮಾನವನ ಬದುಕು ಹೂವಿನ ಹಾಸಿಗೆಯಲ್ಲ; ಅದು ಸುಖ-ದುಃಖ, ಆಶೋತ್ತರಗಳು ಹಾಗೂ ಸೋಲು-ಗೆಲುವುಗಳ ಸಮ್ಮಿಶ್ರಣವಾಗಿದೆ. ದಿನನಿತ್ಯದ ಬದುಕಿನಲ್ಲಿ ಎದುರಾಗುವ ಸಂಕಷ್ಟಗಳು, ಅಭದ್ರತೆ ಹಾಗೂ ಮಾನಸಿಕ ಒತ್ತಡಗಳು ಮನುಷ್ಯನನ್ನು ಹತಾಶೆಗೆ ದೂಡುತ್ತವೆ. ಇಂತಹ ಸಂದರ್ಭಗಳಲ್ಲಿ ಜೀವನವನ್ನು ಹಗುರಗೊಳಿಸುವ ಮತ್ತು ಬದುಕುವ ಉತ್ಸಾಹವನ್ನು ಹೆಚ್ಚಿಸುವ ದಿವ್ಯೌಷಧವೆಂದರೆ ಅದು ಹಾಸ್ಯಪ್ರಜ್ಞೆ. ಹಾಸ್ಯವು ಕೇವಲ ನಗಿಸುವುದಕ್ಕಷ್ಟೇ ಸೀಮಿತವಾಗಿರದೆ, ಬದುಕಿನ ಕಹಿ ಘಟನೆಗಳನ್ನು ಜೀರ್ಣಿಸಿಕೊಂಡು ಮುನ್ನಡೆಯುವ ಆತ್ಮಸ್ಥೈರ್ಯವನ್ನು ನೀಡುತ್ತದೆ.
ತಿಳಿ ಹಾಸ್ಯ ಮತ್ತು ವೈಚಾರಿಕತೆಯು ಮನುಷ್ಯನ ಬುದ್ಧಿಮತ್ತೆಯನ್ನು ಚುರುಕುಗೊಳಿಸುತ್ತವೆ. ಸ್ವಯಂ ಹಾಸ್ಯ ಅಥವಾ ತಮ್ಮ ಕುಂದುಕೊರತೆಗಳನ್ನು ನಗುವಿನ ಮೂಲಕ ಸ್ವೀಕರಿಸುವ ಗುಣವು ವ್ಯಕ್ತಿಯಲ್ಲಿನ ಅಹಂಕಾರವನ್ನು ಕರಗಿಸುತ್ತದೆ. ಪ್ರಪಂಚದ ದೊಡ್ಡ ದೊಡ್ಡ ತತ್ವಜ್ಞಾನಿಗಳು ಮತ್ತು ಸಾಹಿತಿಗಳು ಜೀವನದ ಕಠಿಣ ಸತ್ಯಗಳನ್ನು ತಿಳಿಸಲು ಹಾಸ್ಯ ಮತ್ತು ವ್ಯಂಗ್ಯಗಳನ್ನು ಅಸ್ತ್ರವಾಗಿ ಬಳಸಿಕೊಂಡಿದ್ದಾರೆ. ಹಾಸ್ಯವು ಸಮಾಜದ ಡಾಂಭಿಕತೆ ಹಾಗೂ ಮೂಢನಂಬಿಕೆಗಳನ್ನು ತಿದ್ದುವ ಶಕ್ತಿಶಾಲಿ ಮಾಧ್ಯಮವೂ ಹೌದು. ನಗುವು ದೇಹದ ಆರೋಗ್ಯಕ್ಕಷ್ಟೇ ಅಲ್ಲದೆ, ಮನಸ್ಸಿನ ಶಾಂತಿ ಮತ್ತು ಸಾಂಸ್ಥಿಕ ಬಾಂಧವ್ಯಗಳ ವೃದ್ಧಿಗೂ ಅತ್ಯಗತ್ಯವಾಗಿದೆ.
ಆದರೆ ಆಧುನಿಕ ಜೀವನಶೈಲಿಯಲ್ಲಿ ಮನುಷ್ಯನು ನಗುವುದನ್ನೇ ಮರೆಯುತ್ತಿದ್ದಾನೆ. ಗಂಭೀರತೆಯನ್ನೇ ದೊಡ್ಡ ಗುಣವೆಂದು ಭಾವಿಸಿ, ಸಣ್ಣಸಣ್ಣ ವಿಷಯಗಳಿಗೂ ಕಂಗಾಲಾಗುತ್ತಿದ್ದಾನೆ. ಹಾಸ್ಯಪ್ರಜ್ಞೆಯು ಇತರರನ್ನು ನೋಯಿಸುವ ಅಥವಾ ಅಪಹಾಸ್ಯ ಮಾಡುವ ಸಾಧನವಾಗಬಾರದು; ಅದು ಎಲ್ಲರನ್ನೂ ಒಗೂಡಿಸುವ ಮತ್ತು ಸಂತಸವನ್ನು ಹಂಚುವಂತಿರಬೇಕು. ಕಷ್ಟಗಳ ನಡುವೆಯೂ ಮುಗುಳ್ನಗುವ ಸಾಮರ್ಥ್ಯವನ್ನು ಬೆಳೆಸಿಕೊಂಡಾಗ ಬದುಕು ಸುಂದರವೂ ಅರ್ಥಪೂರ್ಣವೂ ಆಗುತ್ತದೆ. ಹಾಸ್ಯ ಮತ್ತು ಸಂತೋಷದಿಂದ ಕೂಡಿದ ಮನಸ್ಸು ಯಾವುದೇ ಸವಾಲನ್ನಾದರೂ ಸುಲಭವಾಗಿ ಎದುರಿಸಬಲ್ಲದು ಎಂಬುದನ್ನು ನಾವು ನೆನಪಿಡಬೇಕು.
VII. ನಿಮಗೆ ಗೊತ್ತರುವ ಯಾವುದಾದರು ನಾಲ್ಕು ಗಾದೆಗಳನ್ನು ಬರೆಯಿರಿ. ೧ x ೪ = ೪
ಮಾದರಿ ಪ್ರಶ್ನೆ ಪತ್ರಿಕೆ – ೪
ಬಿ.ಬಿ.ಎ. ಪ್ರಥಮ ಸೆಮಿಸ್ಟರ್ ಸಮಯ: ೩ ಗಂಟೆಗಳು ಗರಿಷ್ಠ ಅಂಕಗಳು: ೮೦
I.ಕೆಳಗಿನ ಯಾವುದಾದರೂ ಆರು ಪ್ರಶ್ನೆಗಳಿಗೆ ೪೦ ಪದಗಳಿಗೆ ಮೀರದಂತೆ. ಉತ್ತರಿಸಿ. ೬ x ೨ = ೧೨
1. ಕನಸಿನಲ್ಲಿ ಹುಡುಗ ಕಂಡ ಶಾಲೆಯ ಸ್ವರೂಪ ಹೇಗಿತ್ತು?
2. ಅಕ್ಕ ತಮ್ಮನಿಗೆ ನೀಡುವ ಹಿತವಚನಗಳಾವುವು?
3. 'ಸಂಪರ್ಕ' ಕವನದಲ್ಲಿ ಲೇಖಕರು ಪ್ರಕೃತಿಯ ಯಾವ ಬದಲಾವಣೆಯನ್ನು ಗುರುತಿಸುತ್ತಾರೆ?
4. ಸಾಕಿಬಾಯಿ ಅವರ ಊರಿನ ಹೆಸರೇನು?
5. ಮಾಯಾಗಾರ ಖುಷಿ ಮಾರಲು ಯಾವ ಉಪಾಯ ಬಳಸುತ್ತಿದ್ದನು?
6. ದೇವರು ಸೈಕಲ್ ಕಲಿಯಲು ಯಾರ ಸಹಾಯ ಪಡೆದನು?
7. ಕಾಶಂಬಿಯ ಮನೆಯಲ್ಲಿ ಹಬ್ಬದ ದಿನ ಯಾವ ಅಡುಗೆ ಮಾಡುತ್ತಿದ್ದರು?
8. ಬಕಾಸುರನಿಗೆ ಪ್ರತಿದಿನ ಕಳುಹಿಸುತ್ತಿದ್ದ ಆಹಾರವೇನು?
II.ಕೆಳಗಿನ ಯಾವುದಾದರೂ ನಾಲ್ಕು ಪ್ರಶ್ನೆಗಳಿಗೆ ೮೦ ಪದಗಳಿಗೆ ಮೀರದಂತೆ ಉತ್ತರಿಸಿ. ೪ x ೫ = ೨೦
1. 'ಮಕ್ಕಳಿರುವುದು ಮೂರು' ಕವನದ ಸಾಮಾಜಿಕ ಚಿತ್ರಣವನ್ನು ಬರೆಯಿರಿ.
2. ಮಣ್ಣಿನ ರಕ್ಷಣೆ ಮತ್ತು ಕೃಷಿಯ ಅಗತ್ಯವನ್ನು 'ಜೀವ ದುಂದುಭಿ' ಆಧಾರದಲ್ಲಿ ಬರೆಯಿರಿ.
3. 'ನಾವು ಹುಡುಗಿಯರೇ ಹೀಗೆ' ಕವಿತೆಯ ಹಾಸ್ಯ ಮತ್ತು ವ್ಯಂಗ್ಯದ ಸ್ವರೂಪವನ್ನು ವಿವರಿಸಿ.
4. ಸಖೀಗೀತದಲ್ಲಿ ಬರುವ ಸಾಂಸಾರಿಕ ಬದುಕಿನ ನೆಮ್ಮದಿಯ ಚಿತ್ರಣವನ್ನು ವಿವರಿಸಿ.
III ಕೆಳಗಿನ ಯಾವುದಾದರೂ ಮೂರು ಪ್ರಶ್ನೆಗಳಿಗೆ ೧೬೦ ಪದಗಳಿಗೆ ಮೀರದಂತೆ ಉತ್ತರಿಸಿ ೩ x ೧೦ = ೩೦
1. ಬಾಲ್ಯದ ನೆನಪುಗಳು ಮತ್ತು ವ್ಯಕ್ತಿತ್ವ ನಿರ್ಮಾಣದ ಕುರಿತು 'ಒಂದು ಧೈರ್ಯವಾಕ್ಯ' ಪಾಠದ ಬೆಳಕಿನಲ್ಲಿ ಚರ್ಚಿಸಿ.
2. 'ಭೂಮಿ' ಮತ್ತು 'ಸಂಪರ್ಕ' ಪಾಠಗಳ ಆಧಾರದಲ್ಲಿ ಆಧುನೀಕರಣದಿಂದ ಪ್ರಕೃತಿಗಾದ ಹಾನಿಯನ್ನು ವಿಮರ್ಶಿಸಿ.
3. ಕುವೆಂಪು ಅವರ 'ದೇವರು ಸೈಕಲ್ ಕಲಿತದ್ದು' ಕಥೆಯಲ್ಲಿ ಮೂಡಿಬಂದಿರುವ ಸಾಹಿತ್ಯಿಕ ಚಾತುರ್ಯವನ್ನು ಕುರಿತು ಬರೆಯಿರಿ.
4. 'ಸುಲಭ ದರದಲ್ಲಿ ಖುಷಿಯ ಮಾರುತ್ತಿದ್ದ ಮಾಯಾಗಾರ' ಲೇಖನದ ಜೀವಪರ ಕಾಳಜಿಯನ್ನು ವಿಶ್ಲೇಷಿಸಿ.
5. 'ರಂಜಾನ್ ಮತ್ತು ಕಾಶಂಬಿ' ಲೇಖನದ ಮೂಲಕ ಧಾರ್ಮಿಕ ಸಾಮರಸ್ಯದ ಅಗತ್ಯವನ್ನು ಪ್ರತಿಪಾದಿಸಿ.
6. 'ಬಕಾಸುರನನ್ನು ಕೊಂದ ಪರ್ವ' ನಾಟಕದಲ್ಲಿ ಬಕಾಸುರ ಹಾಗೂ ಭೀಮನ ನಡುವಿನ ಸಂಭಾಷಣೆಯ ಸ್ವಾರಸ್ಯವನ್ನು ಬರೆಯಿರಿ.
IV.ನಿಮ್ಮ ಊರಿನಲ್ಲಿ ಗ್ರಂಥಾಲಯವೊಂದನ್ನು ಪ್ರಾರಂಭಿಸುವಂತೆ ಕೋರಿ ಜಿಲ್ಲಾ ಸಾರ್ವಜನಿಕ ಗ್ರಂಥಾಲಯ ಅಧಿಕಾರಿಗೆ ಮನವಿ ಪತ್ರ ಬರೆಯಿರಿ. ೧ x ೫ = ೫
V.ನಿಮ್ಮ ಕಾಲೇಜಿನಲ್ಲಿ ಆಚರಿಸಲಾದ 'ವಿಶ್ವ ಪರಿಸರ ದಿನಾಚರಣೆ'ಯ ಕುರಿತು ವಿವರವಾದ ವರದಿ ಸಿದ್ಧಪಡಿಸಿ. ೧ x ೫ = ೫
VI.ಕೆಳಗಿನ ಗದ್ಯ ಭಾಗವನ್ನು ಓದಿ, ಮೂರನೇ ಒಂದು ಭಾಗಕ್ಕೆ ಸಂಕ್ಷೇಪಿಸಿ, ಸೂಕ್ತ ಶೀರ್ಷಿಕೆ ನೀಡಿ. ೧ x ೪ = ೪
ಸಮಕಾಲೀನ ಜಗತ್ತು ತಾಂತ್ರಿಕವಾಗಿ ಮತ್ತು ವೈಜ್ಞಾನಿಕವಾಗಿ ಅಪಾರ ಪ್ರಗತಿಯನ್ನು ಸಾಧಿಸಿದ್ದರೂ, ಮಾನವೀಯ ಮೌಲ್ಯಗಳ ವಿಷಯದಲ್ಲಿ ತೀವ್ರ ಹಿನ್ನಡೆಯನ್ನು ಅನುಭವಿಸುತ್ತಿದೆ. ಇಂದು ಜಗತ್ತಿನಾದ್ಯಂತ ನಡೆಯುತ್ತಿರುವ ಯುದ್ಧಗಳು, ಕೋಮು ಸಂಘರ್ಷಗಳು, ಭಯೋತ್ಪಾದನೆ ಹಾಗೂ ಸಾಮಾಜಿಕ-ಆರ್ಥಿಕ ತಾರತಮ್ಯಗಳು ಮಾನವಕುಲದ ನೆಮ್ಮದಿಯನ್ನೇ ಕಸಿದುಕೊಂಡಿವೆ. ಶಸ್ತ್ರಾಸ್ತ್ರಗಳ ಸ್ಪರ್ಧೆ ಮತ್ತು ಅಧಿಕಾರದ ದಾಹದಿಂದಾಗಿ ಕೋಟ್ಯಂತರ ಜನರು ಆಶ್ರಯಹೀನರಾಗಿ, ಬಡತನ ಮತ್ತು ಭೀತಿಯಲ್ಲಿ ಬದುಕುವಂತಾಗಿದೆ. ಇಂತಹ ಕಠಿಣ ಸನ್ನಿವೇಶದಲ್ಲಿ ಶಾಂತಿ, ಅಹಿಂಸೆ ಹಾಗೂ ಸೌಹಾರ್ದತೆಯ ಚಿಂತನೆಗಳು ಅತ್ಯಂತ ಪ್ರಸ್ತುತವಾಗಿವೆ.
ಶಾಂತಿ ಎಂಬುದು ಕೇವಲ ಯುದ್ಧಗಳ ಅಭಾವವಲ್ಲ; ಅದು ವ್ಯಕ್ತಿಯ ಮನಸ್ಸಿನಲ್ಲಿ ಹಾಗೂ ಸಮಾಜದ ಆಂತರಾಳದಲ್ಲಿ ನೆಲಸಬೇಕಾದ ಪವಿತ್ರ ಭಾವನೆಯಾಗಿದೆ. ಪ್ರತಿಯೊಬ್ಬ ವ್ಯಕ್ತಿಯೂ ತನ್ನಲ್ಲಿನ ಸ್ವಾರ್ಥ, ಕ್ರೋಧ ಮತ್ತು ದ್ವೇಷಗಳನ್ನು ತೊರೆದಾಗ ಮಾತ್ರ ಸಮಾಜದಲ್ಲಿ ಶಾಂತಿ ನೆಲೆಸಲು ಸಾಧ್ಯ. ವಿವಿಧ ಧರ್ಮಗಳು, ಸಂಸ್ಕೃತಿಗಳು ಹಾಗೂ ಭಾಷೆಗಳ ನಡುವೆ ಪರಸ್ಪರ ಗೌರವ ಮತ್ತು ಸಹಿಷ್ಣುತೆಯನ್ನು ಬೆಳೆಸಿಕೊಳ್ಳುವುದು ಸಹಬಾಳ್ವೆಯ ಮೂಲಮಂತ್ರವಾಗಿದೆ. ವೈಜ್ಞಾನಿಕ ಮನೋಭಾವ ಮತ್ತು ವೈಚಾರಿಕ ಚಿಂತನೆಗಳು ಸಮಾಜದಲ್ಲಿನ ಅಂಧಶ್ರದ್ಧೆ ಹಾಗೂ ಕಡುಮೂಢನಂಬಿಕೆಗಳನ್ನು ತೊಡೆದುಹಾಕಿ, ಸೌಹಾರ್ದಯುತ ವಾತಾವರಣವನ್ನು ನಿರ್ಮಿಸುತ್ತವೆ.
ಮಾನವಕುಲದ ಉಳಿವು ಮತ್ತು ಏಳಿಗೆಗೆ ಯುದ್ಧವಲ್ಲ, ಶಾಂತಿಯೇ ಏಕೈಕ ಮಾರ್ಗವಾಗಿದೆ. ಶಾಂತಿಯುತ ವಾತಾವರಣದಲ್ಲಿ ಮಾತ್ರ ಶಿಕ್ಷಣ, ಸಾಹಿತ್ಯ, ಕಲೆ ಹಾಗೂ ಆರ್ಥಿಕ ಪ್ರಗತಿಗಳು ಸಾಧ್ಯವಾಗುತ್ತವೆ. ಪ್ರತಿಯೊಬ್ಬ ನಾಗರಿಕನೂ ತನ್ನ ಕುಟುಂಬ, ನೆರೆಹೊರೆ ಹಾಗೂ ಸಮಾಜದಲ್ಲಿ ಪ್ರೀತಿ ಮತ್ತು ಸೌಹಾರ್ದತೆಯನ್ನು ಹರಡುವ ರಾಯಭಾರಿಯಾಗಬೇಕು. ವಿಶ್ವಮಾನವ ಸಂದೇಶವನ್ನು ಅಳವಡಿಸಿಕೊಂಡು, ಸಮಸ್ತ ಮಾನವಕುಲವನ್ನು ಒಂದೇ ಕುಟುಂಬವೆಂದು ಭಾವಿಸಿದಾಗ ಮಾತ್ರ ಜಗತ್ತಿನಲ್ಲಿ ಶಾಂತಿ ಮತ್ತು ನೆಮ್ಮದಿಯ ಯುಗವು ಪ್ರಾರಂಭವಾಗುತ್ತದೆ.
VII. ನಿಮಗೆ ಗೊತ್ತರುವ ಯಾವುದಾದರು ನಾಲ್ಕು ಗಾದೆಗಳನ್ನು ಬರೆಯಿರಿ. ೧ x ೪ = ೪